ЭЭЖТЭЙ ОРЧЛОН
Борлог vvлс шуургалаад эхлэхээр
Бодлын энvvхэнд миний л ижий
Тэрлэг дээлтэй жиндээд ирэхээр
Тэнгэрийн энvvхэнд миний л ижий
Yрлэн мєндєр шуургалаад ирэхээр
Yрий минь дэргэд миний л ижий
Галуун цуваа хошуураад буцахлаар
Галын минь дэргэд миний л ижий
Зvр цэцэг хєлдєєд эхлэхээр
Зvрхний минь дэргэд миний л ижий
Буурал хєгшид цєєрєєд л байхаар
Бурханы минь дэргэд миний л ижий
Алтан дэлхий давчдаад ирэхээр
Аньсага нь чийгтсээр миний л ижий
Хvрэл замлин бvгийгээд ирэхлээр
Хємсєг нь цантсаар миний л ижий
Анар эрдэнээр барс урлаж
Зvрхэнд нь нуулаа би ижийгээ
Агар зандангаар гарьд бvтээж
Жигvvрт нь нуулаа би ижийгээ
Хаш чулуугаар луу ороож
Аньсганд нь нуулаа би ижийгээ
Халтар арвайгаар арслан сийлж
Алганд нь нуулаа би ижийгээ
Малгайг минь засдаг мутартай л хvн дээ би
Магнайдаа хvргэдэг судартай л хvн дээ би
Сургаал хэлдэг ижийтэй хvн дээ би
Сунаж мєргєдєг тэнгэртэй хvн дээ би
Subscribe to:
Post Comments (Atom)
No comments:
Post a Comment